Басшылар құрамы
Басшылар кеңесі
«Эйр Астана» АҚ Директорлар Кеңесінің мүшелері:
- Бозымбаев Қанат Алдабергенұлы - «Самұрық» мемлекеттік активтерді басқару жөніндегі Қазақстандық холдингі» АҚ Басқарма Төрағасы - Компания Директорлар Кеңесінің Төрағасы;
- Бектұров Азат Ғаббасұлы - Қазақстан Республикасының Көлік және коммуникациялар вице-министрі;
- Найджел Брэдли - «БАЕ СИСТЕМС» (Ұлыбритания/басқа елдер) компаниясының коммерциялық директоры;
- Майкл Джон О’Каллахан – Бірінші басшы, BAE Systems Оңтүстік Африка;
- Лорд Александр Фермор-Хескет, III Барон Хескет – тәуелсіз директор;
- Дмитрий Ларионов – Компанияның тәуелсіз директоры.
«Эйр Астана» әуекомпаниясының басшылығы
Питер Фостер – "Эйр Астана" әуекомпаниясының президенті
Питер Фостер мырза авиация саласындағы маңсабын Кэмбридж Университетін 1982 жылы бітіргеннен кейін Cathay Pacific Airways Ltd әукомпаниясының құрылтайшысы болып табылатын John Swire and Sons (HK) Ltd әуекомпаниясында машықтанушы-менеджер қызметінен бастады. 1982-1999 жылдары Cathay Pacific Airways әуекомпаниясында Гонгконг, Азия, Австралия және Еуропада менеджер, содан кейін бас менеджер қызметінде жұмыс істеп, Францияда (INSEAD) іскерлікті басқару тәлімін алды.
Питер Фостер мырза Cathay Pacific Airways әуекомпаниясында жұмысын 1999-жылы аяқтап, Philippine Airlines әуекомпаниясының оңалту тобын басқарды. Бері келе 2002-2005 жылдар аралығында Royal Brunei Airlines әуекомпаниясында бас атқарушы директор лауазымында жұмыс атқарып, 2005-жылы "Эйр Астана" әуекомпаниясының Президенті лауазымына тағайындалды.
«Іскерлік қатынастардың тәжірибесін жалғастыра, қауіпсіздік пен қызмет көрсетудің жоғарғы стандарттар жолын қуып, әлемге танымал әуекомпаниялардың ішінде "Эйр Астана" абзал орын алатынына және Қазақстан Республикасының мақтанышы болатынына сенеміз».
Алма Алигужинова – Жоспарлау департаментінің вице-президенті
Алма Алигужинова – "Эйр Астана" әуекомпаниясында 2001-жылдан бастап, құрылу кезінен бері, тіпті әуекомпанияның ұшулары орыдалмастан бұрын, жұмыс істеп келе жатқан, алғашқы қызметкерлердің бірі.
Алма еңбек жолын компанияда корпоративті қатынастарды дамыту мәселесімен айналысатын менеджер қызметінен бастады. Лауазымдық дәрежесі көтерілген ол, кейінірек корпоративті қатынастарды дамыту мәселесімен айналысатын директор қызметіне тағайындалды. Қазіргі уақытта Алма жоспарлау вице-президентінің қызметін атқарады.
Алма “Болашақ” бағдарламасы бойынша АҚШ-тың Шығыс Каролина Университетін бітіріп, МВА – Іскерлік ұйымдастыру магистірі дәрежесін алған.
Асхат Бейсенбаев – Қаржы вице-президенті
Асхат Бейсенбаев өз жұмысын 2003-жылдың ортасында, компанияның қаржы вице-президенті болып бастады. "Эйр Астана" әуекомпаниясына келместен бұрын, ол банк саласынадағы тәжірибенің арқасында «Каспий Банкі» төрағасының орынбасары деңгейіне дейін көтерілді. Сонымен қатар ол басқа компанияларда құнды қағаз нарығы және инвестициялау жобаларына қатысып, тәжірибе жинаған. Асхат Атлантадағы Эмори Университінің Гойзуэта атындағы Іскерлік Мектебінен қаржы және стратегия саласы бойынша МВА - Іскерлік ұйымдастыру магистірі дәрежесін алды, сонымен қатар ол Қазақ Мемлекеттік Басқару Академиясын үздік дипломға бітірген. Студенттік алмасу бағдарламасы бойынша Кобленцтегі (Алмания) Oтто Байшайм, WHU университетіндегі "Басқару" мамандығы бойынша магистратурада оқыған. Асхат Солтүстік Қазақстанда дүниеге келген, үйленген, бір ұлы бар.
Ербол Оспанов – Мемлекеттік, корпоративті істер және қауіпсіздік вице-президенті
Ербол – авиация саласында 30 жылдан астам тәжірибесі бар маман.
Ол Қазақстанда көптеген әуекомпанияларда жұмыс атқарған. Еңбек саласының басында ол екінші пилот қызметін атқарған, содан кейін ТУ-154, Боинг-747, Боинг-757, Боинг-767 сияқты көптеген ұшақтарда жаттықтырушы ұшқыш болып жұмыс істеген.
"Эйр Астана" әуекомпаниясындағы Вице-президент қызметімен қатар, Ербол бірнеше жыл бойы мемлекеттік ұшулардың басқарушы капитаны болып жұмыс істейді.
Галина Умарова – Жабдықтау вице-президенті
Галина Умарова жабдықтау вице-президенті қызметін атқарады. Галинаның әуе тасымалдау саласында мол тәжірибесі бар. "Эйр Астана" әуекомпаниясына дейін “Астана халықаралық әуежайы” АҚ-ның қаржы директоры болып қызмет атқарды.
Галина Жұбанов атындағы Ақтөбе Мемлекеттік Университетін тамамдаған, сондай-ақ Қазақстан Мэнеджемент Экономика және Бизнес Институтының (ҚМЭБИ) мемлекеттік басқару магистрі дәрежесіне ие.
Джон Уэнрайт инжиниринг және техникалық қызмет көрсету вице-президенті, 34-жылдан астам әуе көліктерге техникалық қызмет көрсету тәжіибесіне ие. Ол негізгі де, линиялық та, техникалық қызмет көрсетумен айналысқан. Ұлыбританияда жоғарғы білім алған және Бедфорд қаласында Британдық әуе көліктерінің жеке құрамында дайындықтан өткен. Британ әуежолдарында 20 жылға жұық уақыт жұмыс істегеннен кейін, ол Оңтүстік-Шығыс Азияға көшіп, Бруней әуе жолдарында, Вьетнам пен Непалда жұмыс істеді. Ал Брунейден Австралияға көшкен кезде, техникалық қызмет көрсету департаментінің бастығы лауазымында қызмет атқарды. Джон «Эйр Астана» әуекомпаниясындағы жұмысын 2006-жылы техникалық қызмет көрсету менеджері ретінде бастады, 2008-жылы маңсап сатысымен жоғарлап, инжиниринг мен техникалық қызмет көрсету вице-президенті лауазымына дейін өсті. Ол Еуропалық авиациялық қауіпсіздігі агенттігінің лицензиясының, сондай-ақ инжениринг және техникалық қызмет көрсету лицензиясының С категориясының иегері. Үйленген, үш баласы бар.
Том Николс – Ұшу қызметі вице-президенті
Том «Эйр Астана»-ға 2005-жылы келді, ол Боинг 757/767 капитан ретінде, сонымен қатар 737NG әуекемесінде линиялық ұшқыштарды дайындаудың капитаны ретінде ұшқан. Осы уақыт кезінде ол арнайы жобаларда ұшуларды ұйымдастыру саласында жұмыс істеді. 2006-жылы одан жаңа лауазым – ұшулар ұйымдастыру меңгерушісінің лауазымын қабылдауды өтінді. Ол осы лауазымда ұшуларды ұйымдастыру вице-президенті ретінде тағайындалғанына дейін қызмет атқарды.
Том 1975-жылы АҚШ-тағы Coast Guard Академиясын тамамдады. Ол Coast Guard-та, әуекеменің бортында операциялар орындау арқылы, жіберілетін офицер ретінде қызмет етті, сондай-ақ Аляскада ұшқыш ретінде 10 жыл бойы қызметін атқарды. Әскери қызметін атқарып болған соң ол Эфиопияда және Орта Америкада, TransAmerica әуекомпаниясында линиялық ұшқыш ретінде жұмыс істеді. 1985-жылы Том Delta әуекомпаниясында, ұшуларды стандарттау бөлімінде жұмыс істеп, ұшқыш ретінде 19-жылдық маңсабын бастады. Ол Delta әуекомпаниясынан 2004-жылы Боинг 757/767 капитаны ретінде қызметтен кетті. Томның 3 қызы және 2 немересі бар, олар АҚШ-та тұрады.
Ашендра Лианаге – Сауда және маркетинг вице-президенті
Ашендра Лианаге – сауда және маркетинг вице-президенті. Ашендра - ірі әуекомпанияларда 19 жылдан астам жұмыс атқарған, тәжірибесі мол маман. Air Lanka, United Airlines, British Airways, Sri Lankan Airlines, Qatar Airways және Royal Brunei Airlines әуекомпанияларында жұмыс істеген. Сауда, маркетинг, тұтынушы қызметі, бортсерік қызметі, әуежай қызметі, маршруттарды жоспарлау және корпоративті жоспарлау салаларында көптеген қызметтерді атқарған. Сонымен қатар Ашендра – коммерциялық авиацияның білікті ұшқышы. Ол – Ұлыбританиядағы Саутгемптон Университетінің Авиациялық басқару саласындағы магистр дәрежесінің иегері және Ұлыбританияның Жоғарғы Басқару Институтының мүшесі.
Фред Горман – Борттық қызмет директоры
Борт қызметі директоры ретінде Фред Горман бортсеріктерінің қызметіне, ұшу кезіндегі ойын-сауық бағдарламаларына және борттық тағам дайындау қызметіне жауапты. Ол Ұлыбританияда, Мидландта және Нью-Йорктағы Корнелл Университетінен білім алған.
Фред авиация саласына 1965-жылы келді: сол кезде “Caledonian Airways” деп аталған, шағын әуекомпаниясына қызметке орналасқан болатын. Содан кейін ол негізінен Гонгконг, Папуа Жаңа Гвинея, Парсы шығанағы елдері, Бахрейн, Катар, Бруней Сұлтандығы және Әзербайжан Республикасы сияқты шет елдерде жұмыс істеді.
Оның бортсерік қызметінде де, әуежайдың жерде атқаратын қызметінде де тәжірибесі бар. Жұмыс реті бойынша ол бортсеріктер қызметінің жұмысы, борттық тағам, әуекомпанияларға борттық тағамды жеткізуге жауапты болатын.
Ибрагим Джанлиель - Коммерциялық жоспарлау бөлімінің директоры
Коммерциялық Жоспарлау директоры лауазымына Ибрагим Джанлиель тағайындалды. Ибрагим «Эйр Астана» әуекомпаниясында 2003-жылдан бастап жұмыс істеуде, бұл күнге дейін, ол 9 жыл туризм саласында Түркияның басты тур операторларымен бірге жұмыс жасады. Әуе саласындағы маңсабының бірінші қадамы KLM әуекомпаниясының Алматы қаласындағы өкілдігінен басталды. Менеджер лауазымында Орта Азия мен Қазақстандағы коммерция саласы үшін жауапты болды.
Ибрагим Ыстамбұлдағы «Bosphorus University» Университетінің МВА дәрежесіне ие болды және Marmara University оқу орнынан экономикалық білім алды. Сонымен қатар Ибрагим Қазақстан Еуропалық Іскерлік Ассоциациясының директорлар кеңесінің мүшесі болып табылады.
Белла Тормышева – Бұқарамен байланыс департаментінің директоры
Белла Тормышева Бұқарамен байланыс департаменті директорының қызметін атқарады. Бұқарамен байланыс және мәдени-ақпараттық қызмет салаларында 10 жылдан астам жұмыс атқарған. «Эйр Астана» әуекомпаниясына келместен бұрын Еуропалық Комиссияның Қазақстан, Қырғызстан және Тәжікстандағы Өкілдігінде жұмыс істеді. Халықаралық қатынастар магистрі, қазіргі уақытта саяси ғылымдар кандидаттығын қорғау үстінде. Сонымен бірге Белла шет елдерде түрлі тренингтерден өткен. Ол аралас ұлттық және халықаралық компанияларда жұмыс істегенді
Айдар Қашқарбаев – Заң департаментінің директоры
Айдар Қашқарбаев Заң департаментінің директоры ретінде қызмет атқарады. Заң саласындағы еңбек тәжірибесі 10 жылдан асады. Осы тәжірибесін ол 1993 ж. Қазақстан Республикасының Сыртқы Істер Министрлігінде бастады. «Эйр Астана» АҚ компаниясына келгенге дейін Denton Wilde Sapte заң компаниясында және KPMG консалтинг компаниясында, сонымен қатар Батыс Қазақстанда орналасқан Қарашығанақтағы «Karachaganak Petroleum Operating B.V.» компаниясы заң департаментінің менеджері ретінде қызмет атқарған.
Айдар Әл-Фараби атындағы Қазақ Мемлекеттік Университетінің заң факультетін бітірген. “Visiting scholar” бағдарламасы бойынша Оңтүстік Иллинойс Университетінде (АҚШ) тәлім алған.
Евгения Ни – Қызметкерлерді басқару департаментінің директоры
Евгения Ни Қызметкерлерді басқару департементінің директоры қызметін атқарады.
Евгения – Қарағанды Мемлекеттік Университетінің түлегі және ағылшын/француз тілдері мен заң саласы бойынша диплом иегері.
Ол «Эйр Астана» әуекомпаниясындағы жұмысын 2002-жылдың қараша айында, Президенттің Атқарушы көмекшісі ретінде бастады. Евгения «Эйр Астана»-да жұмыс істеместен бұрын, Интер-Континенталь қонақ үйінде 4 жыл бойы жұмыс атқарған.
Джерри Митчелл – Ақпарат технологиялары департаментінің директоры
Джерри Митчелл Ақпарат технологиялары директоры қызметін атқарады. Джерридің ақпарат технологиялары саласындағы тәжірибесі 25 жылдан асады, ол авиация, қаржы, салық, тау-кен және ақпарат орталықтары сияқты салаларда қызмет атқарған. "Эйр Астана" әуекомпаниясына дейін Royal Brunei Airlines компаниясында, Ақпараттық технологиялар бөлімінің басшысы болған.
Ол Австралияда, Фиджи, Индонезия және Бруней елдерінде ақпарат технологиялар басты мамандық болып табылатын компанияларда жоғарғы лауазымдарда қызмет атқарған.
Ол Австралиялық компьютер қоғамының мүшесі, Іскерлік бакалавр (Информатика) дәрежесімен қоса, ақпарат технологияларды басқару бағытында Австралия университеттерінен тәлім алған.
Валентина Кегай – Ішкі аудит директоры
Ішкі аудит директоры қызметін Валентина Кегай атқарады. Валентина қаржы саласында 23 жылдан астам жұмыс істеген маман, "Эйр Астана" әуекомпаниясына келместен бұрын, жергілікті және халықаралық компанияларда бас есепші, қаржы директоры және сыртқы аудитор сияқты қызметтерді атқарған. Ол лицензиясы бар аудитор және Аудиторлар Палатасының мүшесі.
Ол Ұлттық Экономика Институтын және аспирантурасын тамамдаған, экономика ғылымдарының кандидаты.
Герхард Коэтзи – Корпоративті қауіпсіздік жөніндегі вице-президент
Корпоративті қауіпсіздік жөніндегі вице-президент қызметін Герхард Коэтзи атқарады. Герхард өз еңбек жолын әуе күштері штурманы ретінде бастады, Оңтүстік Калифорния Университетінің қауіпсіздікті басқару бойынша біліктілігі бар, ерекше оқиғаларды зерттеуші маманы. Ол коммерция саласындағы бакалавр дәрежесіне ие, Оңтүстік Африка Университетінің көлік экономикасы факультетін үздік аяқтаған. Соңғы 15 жыл ішінде, ұшулардың қауіпсіздігін сақтау саласында, соның ішінде Оңтүстік Африканың Әуе Қорғау күштерінің ұшу қауіпсіздігін сақтау штаб офицері болып және BAE Systems компаниясының басқарушы кеңесшісі ретінде ұшу қауіпсіздігін арттыруда белсенді жұмыс атқарған.
Бердыхан Агмуров – Бақылау орталығы менеджері
2001 жылдан 2003 жылға дейін Бердыхан Алматыда “Казаэронавигация”-ның Әуе қозғалысын жоспарлауының басты орталығында жұмыс істеді. 2003-жылдан бастап, ол «Эйр Астана» әуекомпаниясында жұмыс істеп келе жатыр.
Елена Обухова – Жолаушыларға жерде қызмет көрсету бөлімінің менеджері
Еленаның құзырлығына қазақстандық мен шетелдік әуежайлардағы жолаушыларға жерде қызмет көрсетуге қатысты мәселелер жатады. Ол «Эйр Астана» әуекомпаниясында 2001 жылдың қараша айынан бастап жұмыс істейді.
Компаниядағы жұмысын әкімшілік және әуежай қызметі сияқты әртүрлі бөлімдерде бастады. Жолаушыларға қызмет көрсету бөлімінің агенті, кезекші маман, терминал менеджері қызметін атқарды. Қазір жолаушыларға жерде қызмет көрсету бөлімінің менеджері.
Oливер Мэтвич – Жолаушыларға жерде қызмет көрсету бөлімінің бастығы
Оливер жолаушыларға жерде қызмет көрсету бөлімінің менеджері ретінде "Эйр Астана" әуекомпаниясының қазақстандық және халықаралық әуежайларға көрсететін қызметіне жауапты.
Оливер еңбек жолын Алманияда бастап, 17 жыл бойы авиация саласында жұмыс атқаруда. Ол дүние жүзіне әйгілі, көш басшы компанияларының әуежайларының жер қызметі бөлімдерінде көптеген жоғарғы лауазымдардағы қызметтер атқарған. "Эйр Астана" "әуекомпаниясында еңбек етпестен бұрын, Оливер Еуропа елдерінің көптеген әуежайларының және әуекомпанияларының жобаларының басқарушысы ретінде жұмыс істеген.